Манчестер Сити вчера го победи Лајпциг со 7:0, па очекувано тренерот Пеп Гвардиола беше расположен и зборуваше на најразлични теми, па така шпанскиот стратег стигна да раскажува и за Џулија Робертс.

Гвардиола сосема неочекувано на новинарите им откри дека познатата холивудска актерка била еден од неговите идоли и многу се разочарал кога дознал дека таа е фан на нивниот градски ривал, Манчестер Јунајтед.

„Ќе ви откријам една тајна. Без разлика што ќе се случи оваа година, дури и ако ја освоиме Лигата на шампионите или да освоиме три ЛШ во низа, јас ќе бидам губитник. Имам тројца идоли во мојот живот, Мајкл Џордан, Тајгер Вудс и Џулија Роберс“.

„Пред неколку години Џулија Робертс дојде во Манчестер. Не во 90-тите кога Фергусон освојуваше титули со Јунајтед. Дојде во период кога ние бевме подобри, а таа отиде да го посети Манчестер Јунајтед, не дојде кај нас! Затоа дури и ако ја освоиме Лигатан а шампионите, тоа не е споредливо со фактот што Џулија Робертс дојде во Манчестер и не дојде да не види нас“, раскажа Пеп.

‘I’m a FAILURE because Julia Roberts went to watch Man United!’ | Pep Guardiola

🎥 Full press conference https://t.co/6AeqzbLlvj pic.twitter.com/FqrqXLhPlO

— BeanymanSports (@BeanymanSports) March 14, 2023