ВИДЕО: Интер и Манчестер сити во четвртфиналето на ЛШ, пет гола на фантастичниот Халанд
Дознавме уште две екипи кои ќе играат во четвртфиналната фаза во Лигата на шампионите, тие се екипите на Интер и Манчестер сити кои ќе им се придружат на Челси, Баерн Минхен, Милан и Бенфика.
Последните четвртфиналисти ќе бидат познати в среда по одигрувањето на реванш осминафиналните натпревари: Наполи – Ајнтрахт Франкфурт (2:0) и Реал Мадрид – Ливерпул (5:2).
После ремито на првиот натпревар во Германија (1:1), на „Етихад“ Манчестер сити го декласираше Лајпциг со 7:0.
Нов неверојатен настап имаше Норвежанецот Халанд кој дури петпати се запиша во листата на стрелците. По еден погодок за „граѓаните“ имаа Гундоган и Де Брујне.
Халанд е третиот играч кој постигнал пет голови во еден натпревар од ЛШ после Луиз Адриано со Шахтјор Доњецк во 2014 и Лионел Меси со Барселона во 2012 година.
Интер успеа на стадионот „Драгао“ да ја задржи предноста од првиот меч во Милано кога славеше со 1:0. Составот на Симоне Инѕаги одигра нерешено (0:0) против Порто.