Рускиот тенисер Андреј Рубљов е финалист на Мастерсот во Мадрид откако го совлада Американецот Тејлор Фриц со 2:0 во сетови 6:4 и 6:3.

Рубљов во финалето ќе игра против подобриот од вториот полуфинален дуел во кој се среќаваат Јиржи Лехечка и Феликс Оже-Алијасим.

Во мечот против Фриц влезе доста мотивиран по победата против третиот тенисер на светот Карлос Алкараз и беше јасно дека игра со голема самодоверба.

Веднаш по загубениот сервис во првиот гем реагираше храбро, го врати брејкот против одличниот сервер Фриц, а потоа во 10 гем направи брејк без загубен поен и така го доби сетот со 6:4.

Повторно, Рубљов лошо сервираше во првиот сервис гем во вториот сет, но кога таму ги спаси брејк топките, јасно беше дека е поблиску до победата и ќе се пласира во финалето.

Ова е петти пат за Рубљов да стигне до финале на еден од мастерсите, односно турнири од серијата 1000.