По стартниот триумф над Финска, денеска кадетската машка ракометна репрезентација на Македонија загуби од Грција минимално со 32:31 во квалификациите за пласман на Европското првенство.

Во текот на мечот нашите ракометни надежи имаа водство по првото полувреме од 18:16.

Позитивата ја зголемија во вториот дел, поточно во 40 минута кога на семафорот водеа со 24:20.

И наместо да се одржува гол-разликата, дозволивме противникот да направи пресврт во самиот финиш и да дојде до триумфот.

За македонската селекција први стрелци беа Бобан Поповски и Петар Николоски со по пет голови.

Грција со оваа победа обезбеди пласман на континенталниот собир што ќе се одржи следната година во Србија.

Последниот трет натпревар Македонија ќе го има в недела од 15.30 часот против домаќинот на квалификацискиот турнир Луксембург.