Израелскиот министер за одбрана, Израел Кац, изјави дека ѝ поставил ултиматум на либанската влада дека мора да го спречи Хезболах да извршува напади врз Северен Израел или израелската армија ќе влезе на либанска територија и самата ќе го реши проблемот, објави Ал Џезира.

„Хезболах вчера испали моќен бараж од ракети кон Израел“, изјави Кац, цитиран од „Тајмс оф Израел“.

„Го предупредив претседателот на Либан дека ако либанската влада не може да ја контролира територијата и да го спречи Хезболах да им се заканува на северните заедници и да пука кон Израел, ние ќе ја преземеме територијата и ќе го сториме тоа сами“, рече тој.