Израелскиот министер за одбрана Израел Кац изјави дека војската ќе употреби „целосна сила“ во Либан, дури и за време на важечкото примирје, доколку нивните сили се соочат со закана од Хезболах, пренесува „Тајмс оф Израел“.

Во меѓувреме, либанската армија соопшти дека повторно е отворен патот и мостот меѓу Набатија и Хардали на југот од земјата, кои претходно беа оштетени во израелските напади.

Дополнително, францускиот претседател Емануел Макрон утре во Париз ќе го прими либанскиот премиер Наваф Салам, соопшти неговиот кабинет, еден ден по убиството на француски мировник во Либан.