Од Кабинетот на претседателот Стево Пендаровски информираат дека е одбиено барањето за помилување на Катица Јанева, поранешен специјален обвинител.

-Исто така и Комисијата за помилување, којашто е помошно работно тело во Кабинетот на претседателот даде негативно мислење по барањето за помилување на Катица Јанева, се вели во соопштението.

Претходно, дел од медиумите објавија дека според извори од Комисијата, Јанева е на списокот на осуденици кои ја чекаат одлуката на Пендаровски за помилување.

Одлуката за одбивање на барањата, беше објавена уште на 4 мај. Оваа информација ја објавија 360 степени.

Инаку, Јанева и Панчевски првпат бараат помилување од шефот на државата, додека бизнисменот Кочан веќе еднаш се обиде да добие помилување во 2021 година, но и тогаш обидот беше неуспешен.

Катица Јанева, Сеат Кочан и екссудијата Панчевски барале Пендаровски да ги помилува, тој одбил