Јувентус синоќа после пресврт во второто коло од Лигата на шампионите загуби од Бенфика на домашниот терен во Торино со 1:2.

„Старата дама“ веќе четири натпревари по ред не знае за победа, се наоѓа во резултатска криза, но нејзиниот тренер Масимилијано Алегри не е загрижен за неговата позиција.

Најтрофејниот италијански клуб по две кола е без бодови во најквалитетното европско клупско натпреварување.

– Немам што да им замерувам на играчите, се соочивме со тешки услови, пеналот го промени текот на мечот на психолошки план. Нормално е дека очекувањата се големи, но факт е дека ни недостасуваат многу важни играчи. Едвај успеваме да ги одмориме играчите кои веќе имаат многу натпревари во своите нозе. Сега во Лигата на шампионите ситуацијата стана посложена, но сите заеднички мора да работиме мирно и одговорно – вели Алегри.

Следниот меч Јуве ќе го има во Серија А на гостински терен против Монца на 18 септември (15.00 часот).

ВИДЕО: Милан го урна „проклетството“ во ЛШ, Адеми и Ристовски поразени на Сан Сиро