На осмиот ден од американско-израелскиот напад, рано утрово започна нов бран напади врз главниот град на Иран, Техеран, а израелската армија објави дека тоа е одговор на испраќањето ирански ракети кон Израел, објавија светските медиуми.

„ИДФ започнаа голем напад врз цели во Техеран“, објави израелската војска, додавајќи дека нивната одбрана пресретнала ирански ракети.

За една недела, колку што трае војната на Блискиот Исток, цените на нафтата на светскиот пазар пораснаа за 30 проценти и достигнаа ниво невидено од 2023 година.

Генералната команда на одбранбените сили на Бахреин соопшти дека системите за воздушна одбрана пресретнале и уништиле 86 ракети и 148 беспилотни летала од почетокот на „предавничката агресија“ против земјата.

Иранските државни медиуми објавија дека берзата во земјата ќе остане затворена до понатамошно известување.

Дали нападите врз Иран го прекршија меѓународното право?