Излезе „Културен печат“ број 85 во весникот „Слободен печат“
КУЛТУРЕН ПЕЧАТ број 85, во печатеното издание на „Слободен печат“ (18-20.06.2021), го отвораме со фотографии од изложбата „Монодрамите и дуо драмите на МНТ“, а меѓу содржините има:
– интервју со Никола Глигоров: Работата на „Скопско лето“, пред сѐ, претставува задоволство
– разговор со Драган Довлев за нова претстава во Театарот за деца и младинци: Подрумот со кукли како сцена за драмско дејство
– програма Креативна Европа на ЕУ – Културниот сектор има главна улога во ширењето на европските вредности
– Националната галерија реализира амбициозна програма и во тешки времиња
– Театар Комедија изведе „Театарски викенд на отворено“ на покривот на ГТЦ
– кореодрамата „Столче за разговор“ премиерно беше изведена во Младинскиот културен центар во Скопје
– изложбата „Несовршен простор“ на Здружението за култура „Транзен“ е поставена во „ЕУ хаус“ во Струмица
– уметничкиот центар „Полифонија“ својата сезона за 2021 година ќе ја почне на 24 јуни со два концерта на камерна музика
– младата пијанистка Инес Неделковска беше прогласена за музичар на неделата на интернационалната музичка младина
– пијанистката Ана Велиновска ќе настапи на фестивалот „Звуци на Алпите“ и Луцерн фестивал во Швајцарија
– објавена е новата книга „Солзите на сестра ми“ од Лилјана Зашова
– „Антолог“ ја промовираше книгата „Да ти се погоди да живееш во интересни времиња (културолошки ставови и искуства)“ од Весна Дамчевска
– Локалната акциона група „Агро лидер“ ja објави книгата „Мајка ми знае што се случува по градовите“ на српската поетеса Радмила Петровиќ.