Обвинителството на Боливија издаде налог за апсење на поранешната вршителка на должност претседателка на државата Жанин Ањез и неколку некогашни министри.

Во образложението се наведува дека Ањез и министрите учествувале во државниот удар против претседателот Ево Моралес во 2019 година, поради што тој бил принуден да поднесе оставка и да ја напушти Боливија.

Ањез изјави дека одлуката на обвинителството претставува „чин на одмазда” и оти таа е жртва на партијата на Моралес, која во меѓувреме се врати на власт по одржаните претседателски и парламентарни избори во октомври минатата година.

Ањез, која е обвинета за тероризам, бунт и заговор, истакна дека „почнал политичкиот процес”.