Пет италијански автономни „групи синдикати“ денес штрајкуваат против нацрт-државниот буџет на владата на премиерката Џорџа Мелони за 2026 година, кој се очекува да биде одобрен од парламентот во наредните недели.

Генералниот штрајк ги засега јавниот превоз и јавната администрација, како и вработените во приватниот сектор, противпожарните и болничките работници, објави Анса.

„Бараме масовни инвестиции во јавното образование, здравството и јавниот превоз. Ние сме против зголемувањето на воените трошоци и нашето главно барање е перманентализирање на привремените работници“, рекоа италијанските „групи синдикати“, кои ги сметаат зголемувањата одобрени од владата за државните службеници за „занемарливи“.

Како што беше најавено, овие синдикати ги замолија своите членови да учествуваат на протестен митинг пред Парламентот во Рим, во 11 часот по локално време.

Најголемиот синдикат во земјата – централно-левичарскиот Cgil – по преговорите одлучи да штрајкува одвоено, на 12 декември.