Иранската влада соопшти дека најмалку 1.060 лица се убиени во војната со Израел, предупредувајќи дека бројот на жртви може да се зголеми на 1.100 поради големиот број тешко повредени.

Информацијата ја презентираше Саид Охади, раководител на иранската Фондација за прашања на маченици и ветерани, во интервју емитувано на државната телевизија синоќа, објави АП.

Независната организација „Активисти за човекови права“ со седиште во Вашингтон изјави дека во нападите загинале 1.190 лица, вклучувајќи 436 цивили и 435 припадници на безбедносните сили, додека 4.475 лица се ранети.