ИЈЗ на Црна Гора: Нови 623 случаи на ковид-19, починаа девет пациенти
Во Црна Гора во изминатите 24 часа се регистрирани 623 нови случаи на коронавирус од 2.237 тестови, како последица на вирусот починаа девет пациенти додека 475 се оздравени, соопшти тамошниот Институт за јавно здравје.
Новите позитивни случаи се од Подгорица – 194, од Будва – 103, од Никшиќ – 78, од Котор – 47, од Херцег Нови – 30, итн.
Во главниот град Подгорица се регистрирани и најголем дел од смртните случаи – 3, во Никшиќ се евидентирани два и по еден во Будва, во Херцег Нови, во Тиват и во Бело поле. Па, вкупниот број на починати пациенти во земјата, од почеток на пандемијата, изнесува 861.
Како оздравени во изминатото деноноќие се заведени 475 лица, а вкупниот број на активни случаи во моментот е 8.173.