Како што информира италијанскиот „Скај“, аргентинскиот напаѓач е подготвен за нова авантура, односно се очекува наскоро да направи трансфер во американската МЛС лига.

Гонзало Игуаин се согласи да ја прекине соработката со Јувентус каде што запиша 66 голови во 149 настапи, а негов следен клуб би требало да биде Интер Мајами каде што еден од сопствениците е поранешниот англиски репрезентативец, Дејвид Бекам.

Gonzalo Higuaín has reached an agreement with Juventus to terminate his contract a year early. He is advanced talks with David Beckham's Inter Miami and should join in the coming days. (Source: @FabrizioRomano) pic.twitter.com/WgKIjhQvsq

— Football News & Transfers (@Scorpio55442671) September 11, 2020

Аргентинецот не тренираше со италијанскиот шампион во четвртокот, тој е подготвен да се пресели во САД и му се придружи на својот екс тимски играч од Јуве, Блез Матуиди.

„Старата дама“ е во потрага по нов напаѓач да соработува заедно со Кристијано Роналдо и Пауло Дибала, а според најавите клубот од Торино наводно ги договорил личните услови со досегашниот член на Барселона, Луис Суарез.

Следната недела Уругваецот треба да го обезбеди италијанскиот пасош, а од претходно е познато дека тренерот Андреа Пирло во Јувентус ги ангажираше Американецот Вестон МекКени од Шалке и Бразилецот Артур Мело од Барселона.