Сопругата на идниот претседател на Америка, Џо Бајден, секогаш одбира едноставни и елегантни парчиња облека. Го претпочита префинетиот стил на облекување. Сини нијанси во комбинација со основни бели парчињ, а од новите трендови ги обожава пастелните бои.

Идната прва дама на Америка често носи фустани со обичен крој. Веднаш по прогласувањето на победата на Бајден на претседателските избори во Америка, фустанот во креација на Оскар де ла Рента што го носеше Џил, се распродал за многу кратко време.

Оскар де ла Рента се чини дека е омилен дизајнер на првите тами, вклучувајќи ја Џеки Кенеди и Мишел Обама. Џил можеби им оддаваше почит на поранешните први дами, покажувајќи дека е подготвна да се приклучи во нивните редови со веќе познатиот избор на моден дизајнер.

Фустанот е едноставен, но модерен, комбинирајќи асиметрична линија со цветни везови. Џил го надополнила изгледот со соодветна заштитна маска за лице.

Таа во текот на целата кампања имаше совршени модни комбинации, навестувајќи дека нејзианта мода ќе биде една од темите на нејзиниот мандат како прва дама. Честопати избира фустани со средна должина, со нагласени рамена, во нежни пастелни тонови помеѓу виолетова и розова боја.

Иако веројатно е свесна дека сината боја одлично ѝ одговара, ја носи во разни варијанти и нијанси, од светло сина до потемна морнарска боја.

Џил Бајден изјави во јавноста дека планира да продолжи да работи за време на претседателскиот мандат на нејзиниот сопруг, што ниту една прва дама не го сторила тоа во 231-годишната историја на оваа улога.

Бајден има диплома, две магистерски студии и докторат во сферата на образованието, а како професор работела и во текот на целиот мандат на Џо како потпретседател на Америка.

„Таа навистина ќе ја носи улогата на прва дама во 21 век“, изјави историчарката за први дами, Кетрин Џелисон за „USA Today“.