Хрватска и Бразил се среќаваат по трет пат на светските првенства
Хрватска по подоброто изведување пенали успеа да ја елиминира Јапонија во осминафиналето, а денеска од 16.00 часот во четвртфиналето за ривал ќе го има Бразил, еден од фаворитите за титулата на Светското првенство во Катар.
Хрватите до сега одиграа четири меча со Бразил, два на Мундијалите и две пријателски, а никогаш не ја почувствувале сладоста на победата бидејќи три пати беа поразени и извојуваа нерешено (1:1) на пријателскиот натпревар во 2005 година.
Дали ќе биде според популарната „трета среќа за Хрватска“ или пак Бразил ќе продолжи со традицијата.
Бразил и Хрватска првпат се сретнаа на Светското првенство во Германија во 2006 година, а на отворањето на групата Ф јужноамериканската селекција победи со 1:0 со голот на Кака во 44 минута.
Luka Modric 🆚 Thiago Silva
It's been a long journey to the #FIFAWorldCup Quarter-Finals.
See what got them here in Captains, free on FIFA+ 📺 #Qatar2022
— FIFA World Cup (@FIFAWorldCup) December 9, 2022
Истата слика, само со различен резултат, беше забележана и на Светското првенство 2014 во Бразил. И Хрватска загуби од тогашниот домаќин со 3:1 на отворањето на групата „А“.
Иако „коцкестите“ поведоа по автоголот на Марсело (12`), пресврт донесоа Нејмар (29`, 71` пенал) и Оскар (90+1`).
Далиќ: Против Бразил не смее да ни се случи, тоа што и се случи на Србија