Хрватска ги отвора границите за 10 земји, Македонија не е меѓу нив
Премиерот на Хрватска Андреј Пленковиќ, најави дека Хрватска ги отвора границите за туристи од повеќе земји.
Пленковиќ најави отворање на границите на Хрватска за 10 земји помеѓу кои сепак не е Македонија.
„Успеавме во првото полувреме да ја победиме епидемијата. Направивме план според кој би ја измениле одлуката за привремена забрана за поминување на граничните премини за државјани од низа земји за туризам. Тоа би се однесувало на Словенија, Унгарија, Австрија, Чешка, Словачка, Естонија, Летонија, Литванија, Полска и Германија“, наведе Пленковиќ.
Како што рече тој, листата ќе се проширува во согласност со ситуацијата.