Хрватска ја започна операцијата за испраќање 14 транспортни хеликоптери во Украина. Од хрватските вооружени сили се одвоени 12 хеликоптери МИ 8 МТВ-1 и два хеликоптери МИ 8 Т, а подготовките за нивниот транспорт се започнати, јавува „Јутарњи лист”.

Според информациите од хрватските медиуми, неколку хеликоптери во моментов се наоѓаат во просториите на воздухопловно-техничкиот центар во Велика Горица, каде што неговите вработени ги извршуваат сите потребни технички подготовки.

Меѓу другото, од хеликоптерите се отстрануваат сите постоечки ознаки, по потреба се менува употребениот материјал, се додава масло и слично.

Се проценува дека хеликоптерите ќе бидат подготвени за транспорт за десетина дена. Седум хеликоптери ќе бидат делумно расклопени и транспортирани по копно, а останатите седум ќе бидат пренесени во Полска.