Холандски фудбалери со карипско потекло ја однесоа минијатурната земја Курасао на Мундијалот 2026
Карипската земја Курасао стана најмалата нација квлификант за СП во историјата. Тимот на Курасао е составен од фудбалери родени во Холандија, кои минале низ фудбалските школи на таа европска нација. Селектор е холандскиот стручњак Дик Адвокат
Малата карипска нација Курасао стана најмалата земја во историјата што се квалификувала за Светското фудбалско првенство. Тимот предводен од клупата од познатиот Холанѓанец, Дик Адвокат, одигра нерешено 0-0 против Јамајка во Кингстон во последното коло од квалификациите за зоната КОНКАКАФ.
Препорачано
Оваа мала островска нација, сместена во Карибите, има само 156.115 жители и површина од само 444 квадратни километри, а според двата критериуми ќе биде најмалиот учесник во планетарното натпреварување досега.
Како на толку мала нација и успеа да се квалификува? Курасао е дел од Кралството Холандија, но има статус на независна нација и има фудбалска репрезентација.
Семејни врски…
Тимот на Курасао е составен од фудбалери родени во Холандија, но нивните семејни врски им овозможуваат да играат за карипскиот тим. Сите 24 играчи повикани од Адвокат се родени во Холандија, на европско тло: Амстердам, Гронинген, Емен, Харлем, Ротердам…
– Има многу играчи кои сонувале еден ден да играат за Холандија. Некои веќе имаат 23, 24 или 25 години и повеќе не размислуваат за националниот тим на Холандија. Треба да им дадеме шанса – објасни Адвокат.
Во составот се наоѓаат дефанзивецот на Ливингстон, Џошуа Бренет, играчот за врска на Ротерам, Арјани Марта, напаѓачот на Мидлсбро, Сонтје Хансен…
FT- JAM 0-0 CUW
KORSOU TA BAI MUNDIAL KORSOU TA BAI MUNDIAL KORSOU TA BAI MUNDIAL‼️‼️
WE HAVE DONE IT, CURAÇAO IS GOING TO THE 2026 WORLD CUP‼️🇨🇼💙💛💙
HOPI A DUDA PERO NOS A LOGRA, KOROSU MI ISLA STIMA‼️ 🇨🇼🇨🇼🇨🇼🇨🇼#EOlaBlou pic.twitter.com/0bpA8etNwW
— Curaçao Football News (FAN) (@Curacaofootbal1) November 19, 2025
Бакуна: Немав шанси да играм за Холандија
За Жунињо Бакуна, играњето за Курасао беше и шанса да игра репрезентативен фудбал со неговиот постар брат Леандро, капитенот, откако претходни играше за Холандија на ниво до 21 година.
– Рано направив избор да играм за Курасао. Една од причините беше што можам да играм во истиот тим со мојот брат. Другата причина беше што моите шанси да играм за холандската репрезентација не беа реални. Затоа изборот беше брз, да играм за Курасао – вели тој.
Бакуна смета дека овој фудбалски напредок на земјата ќе инспирира повеќе играчи родени во Холандија да го претставуваат тимот познат како „Синото семејство“.
ВИДЕО | Чудо во фудбалскиот свет, Курасао ќе игра на Светското првенство 2026
