Хари Мегваер е најдобар фудбалер во Англија за месец ноември
Англискиот фудбалски репрезентативец, дефанзивецот на Манчестер јунајтед, Хари Мегваер е најдобар играч во Премиер лигата за месец ноември.
Мегваер ја одигра секоја минута за „црвените ѓаволи“ кои не примија гол во натпреварите против Фулам, Лутон и Евертон.
Во потесниот круг за ова признание беа и Жереми Доку, Ентони Гордон, Томас Камински, Рахим Стерлинг и Маркус Таверние.
Прашање е колкава утеха им е ова на луѓето на „Олд Трафорд“ бидејќи немаат одлична сезона до сега. Моментно се седми во Премиер лигата, додека се пред испаѓање од Лигата на шампионите бидејќи се последни во својата група пред шестото коло и дуелот со Баерн Минхен.
Севкупно, Мегваер за Манчестер јунајтед одигра 189 натпревари, запиша осум гола и шест асистенции, но имаше и многу грешки и погодоци во сопствената мрежа. Затоа до оваа година Хари Мегваер, кој беше најскапиот дефанзивец во историјата на фудбалот, никако да ги оправда вложените 80 милиони фунти. Сепак, се чини дека оваа сезона ќе биде пресвртница за англискиот репрезентативец.
🔴 Harry Maguire is the Premier League Player of the Month for November. pic.twitter.com/gV9VBGPAPN
— Fabrizio Romano (@FabrizioRomano) December 6, 2023