Фантастичниот напаѓач на Борусија Дортмунд, Ерлинг Халанд, новогодинешните празнини ги поминува на Марбеља во Шпанија и фановите ги фрли во транс со една реченица.

Норвежанецот е главна атракција во Марбеља, а шпанските медиуми пишуваат дека Халанд на навивачите кои го опколија на улица им одговори на прашањето каде ќе ја продолжи кариерата.
– Ќе играм тука, во Шпанија – им рекол Халанд на навивачите.

Со оваа реченица, Халанд откри многу за својот иден чекор во кариерата бидејќи сите знаат дека најголем интерес за него пројавуваат Реал Мадрид и Барселона.

Во договорот со Борудија Дортмунд има клаузула со која Халанд на лето може да си замине за само 75 милиони евра, а со последните зборови им порача на екипите дека ќе ги разгледува понудите кои ќе пристигнат само од шпанските гиганти.