Халанд одлучи да стави крај на гласините дека се сели во Челси: 175 милиони евра се премногу пари
Најбаран фудбалер во летниот преоден рок е напаѓачот на Борусија Дортмунд, Ерлинг Халанд за кого сериозен интерес има од Реал Мадрид, ПСЖ и неколку англиски премиерлигаши, во прв ред Челси и тоа во трансфер вреден 175 милиони евра.
Во договорот на Халанд со Борусија има клаузула со која наводно Норвежанецот идното лето ќе може да си замине за само 75 милиони, а медиумите постојано тврдеа дека германскиот тим ќе го пушти фудбалерот и ова лето доколку некој плати 175 милиони евра. Сега се огласи самиот фудбалер кој одлучи да стави крај на сите шпекулации.
– Не се грижам премногу околу тоа. Навистина немам што да кажам за шпекулациите со Челси. Имам уште три години од договорот со Дортмунд и навистина уживам тука. Дури вчера се слушнав со мојот менаџер по пауза од еден месец. Мислам дека тоа доволно зборува: навистина не се грижам. 175 милиони се многу пари, се надевам дека се само гласини бидејќи тоа се премногу пари за било кој играч – изјави Халанд.