Гвардиола останува „граѓанин“ уште три години
Пеп Гвардиола и Манчестер сити се договорија за продолжување на соработката до најмалку 2023 година.
Актуелниот договор на Гвардиола со Манчестер сити е со важност до крајот на оваа сезона, односно идното лето.
Оваа сезона не започна најсреќно за Манчестер сити по што Гвардиола одбиваше на почетокот да седне на преговори велејќи дека треба да го заслужи договорот.
Но, управата на „граѓаните“ има огромна доверба во својот менаџер и седи на клупата од 2016 година. Откако седна на клупата на Манчестер сити, тимот победи на 181 натпревар од вкупно 245 колку што одигра под негово водство, а процентот на победи изнесува речиси 74 проценти.
– Откако пристигнав во Манчестер сити постојано се чувствуван одлично и комотно. Откако сме заедно направивме големи работи, дававме голови, победувавме и освојувавме трофеи, и сите заедно сме горди на успесите. Да се има ваква поддршка како што ја имам јас и најдобрата работа која може да му се случи на еден тренер. Тука имам се што ќе посакам. Предизвик ние да напредуваме и да се развиваме и возбудем сум што ќе му помогнам на Манчестер сити во тоа – изјави Гвардиола по потпишувањето на новиот договор.
Coz we’ve got… GUARDIOLA! ?
? #ManCity | https://t.co/axa0klD5re pic.twitter.com/UR3m15MtyX
— Manchester City (@ManCity) November 19, 2020