Англискиот премиерлигаш Евертон одлучи по 127 години настапи да го урне легендарниот стадион „Гудисон парк“ и да игради нов ултра модерен стадион. Евертон денеска го презентираше новиот 500 милиони фунти вреден нов стадион за кој се надеваат дека ќе успеат да го изградат за четири години и од сезоната 2023-24 ќе го напуштат легендарниот „Гудисон парк“.

? | It's time to reveal proposed designs for our iconic new stadium on the banks of the River Mersey… ? #EFC pic.twitter.com/U2ZrOS9LCN

— Everton (@Everton) July 25, 2019

Новиот дом на Евертон треба да биде со капацитет од 52.000 седишта и дел ќе биде изграден на пристаниште на крајбрежјето на реката Мерзи.

Премиерлигашот одлучи да ги послуша молбите на навивачите и зад еден од головите ќе се наоѓа „Синиот ѕид“, трибина со капацитет од 13.000 седишта за најверните навивачи на екипата по примерот на стадионот на Борусија Дортмунд, „Сигнал Идуна парк“ кој има „Жолт ѕид“.