13 C
Скопје

Груби: Внатрепартиските анкети и оние јавните ја одредуваат ДУИ како апсолутен победник

Интегративците не размислуваат, ниту дискутираат за можни коалиции на локалните избори во октомври, бидејќи, според нив, внатрепартиските анкети, но и оние јавните, ја одредуваат ДУИ како апсолутен победник, како прва партија во сите општини со мнозиство албанско население.

– Внатрепартиските и јавните анкети од кредибилни институции покажуваат дека 62% од Албанците се задоволни од Владата и ја определуваат ДУИ како апсолутен победник на локалните избори во октомври и како убедливо прва партија во сите општини. За разлика од опозициската коалиција, ние не разговараме за предизборни коалиции со други партии, но сме фокусирани на исполнување на нашите ветувања и исполнување на очекувањата на граѓаните – вели Артан Груби, генерален секретар на ДУИ и прв вицепремиер на Владата.

Тој додава  дека својот опстанок на политичката сцена, опозициската коалиција пред секој изборен процес се обидува да го постигне со обид за факторизирање преку нелогична споредба со ДУИ, наместо да превземе одговорност и да си поднесе оставка за последователните порази и неуспеси во сите изборни процеси до денес.

Инаку двете албански опозициони партии Алијанса за Албанците и Aлтернативa побараа „мегдан“ меѓу албанските политичари, без да се бројат гласовите на Македонците, така што, според нив, ќе се знае кој е победник во албанскиот политички блок. Зијадин Села и Африм Гаши го поканија Али Ахмети да се соочат двете страни посебно, од една страна ДУИ, Движење Беса и ДПА кои се дел од мнозиството, а од другата страна коалицијата Алијанса-Алетрнатива.

Поврзани вести

ВИДЕО | Се слушна ѕвоното во Детската клиника: Малата Ана ја доби борбата со болестите

Слободен печат

Утре се одбележува Денот на Европа и Денот на победата над фашизмот

Слободен печат

Бегал од полиција, па со 140 км на час удрил во лежечки полицаец

Слободен печат

Двајца станари со деменција побегнале од старечкиот дом во Тенеси благодарение на воената обука, персоналот казнет

Слободен печат

Деспотовски: Заврши времето на евтина работна сила, немаме луѓе за извоз

Слободен печат

Успорената демографија нема да ја сопре Кина

Гидеон Рахман/Financial Times

Остави Коментар