Зборувам во име на граѓаните, кои се грубо изманипулирани со она што реално е остварено. Бараа „лек“, секој за својата болест, а добија Закон со кој право на третман со производи од медицински канабис имаат само болните од четири болести – канцер, мултиплекс склероза, епилепсија и ХИВ/СИДА), вели советникот за канабис, Гордана Трендовска Серафимовска од „Реплек Фарм“.

Серафимовска изјави дека со законот во 2016 година сосема е заборавена либерализацијата на канабис во храна, па побара да се донесат соодветни измени кои би дозволиле примена на марихуаната и во продукти на храна за луѓе и животни, како и различни преработки на канабис во козметички и хигиенски производи. Според неа, канабисот како суровина ќе има поголем потенцијал да развие и други врзани индустриски гранки, а посочи и дека мора да се обезбеди законска рамка според која компаниите со лиценца за производство на канабис и ќе може да го екстрахираат родот на одгледувачите според валидно склучен договор,  јасна транспарентност и следливост во сите фази.

– Ги поддржуваме одгледувачите на канабис во нивните заложби да се озакони извозот на нивниот род, зашто секој род има рок на траење и вредност во дадениот рок. Канабисот во 2016 година започна како успешна приказна…но веќе континуирано назадува до мерка на економска неодржливост. Мора да се надминат недостатоците за канабисот како проект повторно да се издигне во својата реализација – потенцираше Серафимовска.

Лековите од канабис да се најдат на листата на Фондот