Кога некој во ова време ќе каже дека Македонија блеска, дека е сјајна ѕвезда, заслужува и еден „скопски“ одговор од типот „на какви печурки си“ и „нека смали на доживљај“, рече во емисијата „Утрински брифиг“, пратеникот Влатко Ѓорчев од ВМРО-ДПМНЕ, околу обвинувањата за недолична комуникација преку собраниската говорница.

Според Ѓорчев, завршува тешка година, со газење на демократијата, и следува година на промени.

– Зад нас е тешка година и за три месеци очекуваме промени. Во парламентот имавме тешка година, затоа што се случија процеси кои беа надвор од сите демократски текови, како носење на пратеници директно од притвор да гласаат. Вакво газење на демократијата никогаш не се случило, изјави во „Утрински брифинг“, Влатко Ѓорчев од ВМРО-ДПМНЕ.