Големи гужви во Охрид и Дојран, Петровска најави ригорозно спроведување на мерките
Полицијата, вели таа, се обидува преку патроли да го покрие колку што може повеќе просторот на градот Скопје, меѓутоа и на оние општини кои се прогласени како критични.
Направени се планови за постапување и поставување на полициските службеници, а дополнително се направени и вонредни тимови кои го следат постапувањето на полицијата.
Ова денеска го истакна дополнителната заменик-министерка за внатрешни работи Славјанка Петровска одговарајќи на новинарско прашање на прес-конференцијата во однос на тоа дали се планира зголемување на полициските контроли во општините Чаир, Аеродром и Сарај.
– Потребата д тоа колку полициски службеници ќе бидат ангажирани се менува постојано и согласно тоа ги ангажираме на терен по насока добиена од самите началници од секторите за внатрешни работи. Во моментот навистина е фреквентно во Охрид, таму дополнително утринава се испратени полициски службеници кои ќе им помогнат на своите колеги – рече Петровска.
Полицијата, вели таа, се обидува преку патроли да го покрие колку што може повеќе просторот на градот Скопје, меѓутоа и на оние општини кои се прогласени како критични.
– Од секаков тип евиденција која постои за прекршување на полицискиот час ќе биде соодветно процесуирана и ке бидат преземени мерки против нив. Тоа значи ако постојат докази за прекршување на полицискиот час, со подоцнежна идентификација на сторителите против нив ќе бидат преземени мерки. Полицијата во моментов е на територијата на Скопје, онаму каде што има фиксни пунктови, поставени се контроли, а останатите делови ги контролираме преку патроли – додаде Петровска.
Таа нагласи дека ќе бидат ригорозни во спроведувањето на мерките и ќе се трудат законот да биде спроведен поеднакво за сите граѓани.
– Апел до сите граѓани дека полицијата не може да ја замени совеста на секој од нас – рече Петровска.
Во меѓувреме на социјалните медиуми се споделуваат фотографии и видеа од зголеменото присуство на луѓе низ Охрид, откако илјадници возила го напуштија Скопје вчера пред почетокот на полицискиот час.
Охрид сега… pic.twitter.com/GpjnvGFBOp
— Малиот (@joeymk) June 5, 2020
Охрид полн одговорни граѓани од Скопје, никој не носи маска. pic.twitter.com/MkWM1u5ZHx
— Reagan (@us_reagan) June 4, 2020
Иначе ова е моментално во Охрид.
*Јас не сум таму,си седам дома во Битола,сликата ми ја пушти другарче шо живеј во Охрид. pic.twitter.com/lPnZKBNB4r
— Шефо од работа (@denko_bt) June 5, 2020