Гром уби еден од тренерите во школата на Хебер (Пазарџик), 41-годишниот Иван Ранчев. Инцидентот се случи за време на натпреварот во Лесичево помеѓу екипата на Хебер и Ботев Черногорово.

Како што информира порталот „Новините“, до несреќата дошло во селото Лесичово во Бугарија каде се играше пријателски меч.

Итната помош веднаш после несреќата стигна на местото на настанот, но можеше само да ја констатира смртта на тренерот.

Громот исто така погоди и еден фудбалер, но тој помина без посериозни последици, а повредени се и четири лица.

– Тренерот Иван Ранчев денеска неочекувано нè напушти. Пред да стане тренер, Иван ги водеше екипите на Хебер, Бенковски и Тракија (Стамболиски). Сите во клубот изразуваат искрено сочувство до семејството и пријателите на Иван – стои во соопштението на Хебер.