Голем пожар утринава изби во стан во зграда во сплитската населба Трстеник, јавуваат хрватските медиуми. Пожарот се проширил на уште еден стан, а станарите се евакуирани.

Според првичните информации, итните служби дојавата за пожарот ја добиле околу 9 часот, а на терен биле испратени 20-тина пожарникари од сплитската Јавна противпожарна станица и околу седум возила од Доброволното противпожарно друштво од Сплит и Жрновница.

Според информациите на Далмација Данас, огнот избувнал во стан на шестиот кат, па преку терасата и надворешните ролетни, се проширил на 7 и 8 кат.

На терен се екипа на итната медицинска помош и полицијата. Според информациите, гаснењето на пожарот одело многу тешко, бидејќи становите се сместени на тешко пристапен терен за пожарникарите. Според информациите од терен, засега нема повредени. Неофицијално, се појавила информација дека е повредена една жена врз која пднало стакло, но официјалните извори тоа не го потврдиле.