Ѓорѓиевски го доби македонскиот дуел против Алиоски во Лигата на Европа
Во реванш натпреварот од второто квалификациско коло во Лигата на Европа фудбалерите на Лугано претрпеа елиминација во двомечот против Клуж.
Препорачано
Откако мируваа мрежите во првите 90 минути во Швајцарија, во возвратниот дуел по продолженијата романскиот претставник славеше со 1:0.
Единствениот погодок се случи во првото продолжение, поточно во 96 минута кога домаќините стрелаа преку Синјан.
Македонскиот репрезентативец Езѓан Алиоски играше од првата минута за Лугано и настапи до 112 минута кога беше заменет од Келвин.
На спротивната страна Марко Ѓорѓиевски доби минутажа во романската екипа, во игра влезе во 112 минута како замена за Мунтеану.
Клуж во третото квалификациско коло на ЛЕ ќе игра против Левски Софија (Бугарија) или Брага (Португалија).
Лугано на Алиоски ќе го продолжи меѓународниот настап во третото квалификациско коло на Конференциската лига на УЕФА каде за противник ќе го имаат словенечкиот Целје.
