ВИДЕО | Ѓоковиќ го освои Ролан Гарос и испиша историја!
Новак Ѓоковиќ го победи Каспер Руд со 3:0 (7:6, 6:3, 7:5) во финалето на Ролан Гарос и стана тенисерот со најмногу освоени грем-слем титули во историјата.
Норвежанецот едноставно немаше сили да се спротистави на Ѓоковиќ кој го контролираше мечот од почетокот до крајот. Со третата титула во француската престолнина Ѓоковиќ сруши неколку рекорди и според многумина уште еднаш потврди дека е најдобриот во историјата на овој спорт.
🚨 HISTORY MADE 🚨@DjokerNole is the first man to reach 23 Grand Slam titles 👏@RolandGarros | #RolandGarros pic.twitter.com/SJh0sey7Hg
— ATP Tour (@atptour) June 11, 2023
Српскиот тенисер се искачи на вечната листа на победниците на грен-слем турнирите со 23 пехари, оставајќи го зад себе Рафаел Надал со 22. Кога се гледа и женската конкуренција Ѓоковиќ ја стигна Серена Вилијамс и пред него е само Маргарет Кор со 24, но од времето кога тенисот не се сметал за професионален спорт.
Ѓоковиќ исто така стана првиот во светот со најмалку седум финалиња на четирите грен-слем турнири, а со вкупниот број настапи во битките за пехар се изедначи со Крис Еверт (34).
Победата значеше и враќање на Ѓоковиќ на првото место на АТП листата.
The moment Novak Djokovic became the greatest male tennis player of all time. pic.twitter.com/McAk1ZPMZ0
— Gaspar Ribeiro Lança (@gasparlanca) June 11, 2023
