Ѓилас: Најавеното зголемување на платите нема да значи многу за граѓаните на Србија
„Секој човек во Србија должи 5.040 евра веднаш штом ќе се роди,“ кажа Ѓилас.
Претседателот на Партијата на слободата и правдата (ССП) Драган Ѓилас изјави денеска дека најавеното зголемување на платите во јавниот сектор нема да значи никакво конкретно поместување во животот на граѓаните и дека реалното задолжување на Србија во овој момент е околу 50 милијарди евра, што е речиси двојно повеќе од официјалните податоци на државата.
„Toa зголемување е симболично од неколку проценти, служи власта да се слика и фали, а прашајте го министерот за финансии Синиша Мали од каде тие пари“, рече Ѓилас на конференцијата за новинари, коментирајќи ја изјавата на Мали дека е добиено зелено светоло од Меѓународниот монетарен фонг (ММФ) за зголемување на платите во јавниот сектор и за пензиите, и од каде пари за тоа.
„Не живееме во златно доба, како што вели владата, и никој од граѓаните не го гледа нивниот економски раст, но се земаат заеми што ќе треба да се вратат“, нагласи Ѓилас.
Говорејќи за странски директни инвестиции, тој изјави дека податоците покажуваат дека тие се „иако веројатно ќе ги изненадат сите“, од Холандија, а не од Германија, Кина, Русија.
Како што изјави, даночната политика таму е слична на офшор зоната, и тоа е легално, но тој праша дали некој знае за холандска фабрика во Србија.
„Убеден сум дека дел од парите што пристигнаа се всушност пари изнесени од оваа земја, преку корупција и други махинации“, рече Ѓилас.
Според него, владата се фали со износот на странски директни инвестиции, но тогаш е чудно што индустриското производство се намалува.
(Извор: Бета)
