Ги нарекува мали диви: Мајка месечно троши 1200 евра за маникир, педикир и фризура на малолетните ќерки (ФОТО) – Слободен печат
МагазинСемејство

Ги нарекува мали диви: Мајка месечно троши 1200 евра за маникир, педикир и фризура на малолетните ќерки (ФОТО)

Најмладата Валентина обожава да ми седне во скут и да гледа како на мама ѝ ги прават ноктите, а некогаш и нејзе ѝ ги средуваме, рекла Хана.

Мајка од Бирмингем секоја недела ги носи своите три ќерки на третмани за лице, маникир, педикир и на фризер. Смета дека ќерките учат важни животни лекции, а месечно знае да потроши и 1200 евра само на третмани за убавина.

Хана е претприемничка која сака да ги научи Тиа (17), Брук (9) и Валентина (15 месеци) дека секогаш треба напорно да работат и дека ќе бидат богато наградени за својот труд. Затоа не се плаши дека со ваквите постапки ќе ги разгали. Иако најмалата ќерка е сè уште премлада за какви било третмани, сепак редовно учествува во спа-педикирот со мајка ѝ и со сестрите.

Освен третмани за убавина, нивната мајка се труди да им овозможи и луксузни работи, како на пример брендирана облека, капути од вештачко крзно, а им подарила и два коња како домашни миленичиња.

„Навистина обожаваме да одиме во салон бидејќи тоа е време кога се опуштаме, разговараме и се смееме. На третмани на лице и на фризура одиме секоја недела, додека на маникир на секои две недели. Најмладата Валентина обожава да ми седне во скут и да гледа како на мама ѝ ги прават ноктите, а некогаш и нејзе ѝ ги средуваме по потреба“, изјавила Хана.

Девојчињата се сè уште премали за да имаат вистински лак, па мајка им во согласност со нивните желби им ги бои со посебни бои кои не ги оштетуваат нивните природни нокти. За своите девојчиња вели дека се мали диви кои сакаат гламурозни работи.

Instagram

Нејзиниот сопруг Ник Бериџ, исто така претприемач, многу работи за неговата сопруга и децата да имаат сè што ќе посакаат.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Исто прочитајте

Close
Close