На 12 октомври пред најверојатно полни трибини во СЦ „Јане Сандански“ – Скопје македонскиот и европскиот шампион Вардар ќе го игра четвртиот натпревар од ЛШ против бундеслигашкиот гигант како дерби не само во групата „Б“, и воопшто на колото.

„Црвено-црните“ забележаа три максимални победи и моментно се првопласирани, а со евентуални два бода против германската екипа ќе направи нов голем чекор на патот кон четвртфиналето.

Ракометарите на Вардар веќе се фокусираат за големата пресметка, секако головите се важни, но и одбраната (од која голманите треба да имаат помош) е секако многу клучен сегмент во остварувањето на поволен резултат.

После заминувањето на Милосављев, беше ангажиран Летонецот Артурс Кугис, остана Алжирецот Калифа Гедбан, а тука е и младиот Марко Кизиќ кој воглавно настапува за вториот тим, но добива и шанса во првиот.

Досега барем според размислувањата на верните навивачи на Вардар не се толку досега импресионирани од стандардното дуо Кугис-Гедбан. Да, и тие придонесуваат со своите одбрани кои ги нема во поголем број, но барем според досегашните резултати и тие малку „помагаат“.

Но, се поставува прашањето дали двајцата голмани би биле подготвени и за големи предизвици. Тренерот на голманите Дејан Периќ се обидува на тренинзите на најдобар можен начин да соработува со голманите на Вардар.