Денеска во италијанските медиуми беше објавено, па демантирано дека белгискиот фудбалер кој ги брани боите на Интер има коронавирус.

Имено, „Газета дело Спорт“ објави дека и напаѓачот на „неро-аѕурите“ е заразен, по што многу навивачи ширум светот беа шокирани.

Белгискиот репрезентативец нема коронавирус, а голем број на фанови на Интер сметаат дека веста е пуштена од страна на навивачите на Јувентус.

Fake news about Lukaku:https://t.co/mr3h1IhqID

— Marko Đukić (@FPL_Kughat) March 6, 2020

Односно навивачите на миланскиот клуб сметаат дека ова се случува непосредно пред дербито во Серија А в недела (8. март), меч кој што може да биде важен на патот кон титулата.

Како што е веќе познато дуелот на „Алијанц“ стадионот поради коронавирусот ќе се игра пред празни трибини со почеток од 20.45 часот.

Лукаку оваа сезона одигра 34 натпревари за Интер и постигна 23 голови. Моментно на табелата Лацио е лидер со 62 бодови од 26 натпревари, второпласиран е Јувентус со 60 бодови од 25 натпревари, а третопласиран е Интер со 54 бодови од 24 натпревари.