Гатузо повеќе нема да биде тренер на Олимпик Марсеј
Џенаро Гатузо повеќе не е тренер на Олимпик Марсеј, објави новинарот Фабрицио Романо. Италијанецот и неговиот стручен штаб се официјално известени од управата на клубот дека добиле отказ, а ова е вест што се очекуваше по серијата слаби резултати и поразот од 1:0 во Брест синоќа.
Марсеј имаше амбиција да влезе во Лигата на шампионите преку домашното првенство, а Гатузо го остава тимот на деветтото место во „Лига 1“ со 30 бода од 22 одиграни кола.
Европскиот шампион од 1993 година веќе седум натпревари по ред нема победено никого.
Сè уште не е познато кој ќе биде наследникот на Гатузо и кој ќе го предводи тимот во четврток против Шахтјор, во реваншот од осминафиналето на Лига Европа.
Првата средба во Хамбург, на која Украинците беа номинални домаќини, заврши со резултат 2:2.
Според Романо, наследникот на Гатузо ќе биде Жал-Луи Гасе кој е во преговори со клубот да седне на тренерската клупа.