Шпанскиот фудбалски гигант Барселона е најтешко погоден клуб од пандемијата на коронавирусот, а кризата во каталонскиот тим е толку голема што му за заканува банкрот доколку не ги намали расходите во најскоро време.

Барселона до крајот на декември мора да заштеди 190 милиони евра доколку не сака да прогласи банкрот и поради тоа започна преговори со фудбалерите, се согласија на ново намалување на платите.

Клубор денеска објави дека е постигна договор со фудбалерите кои се согласија да ги преполоват платите со што ќе се заштедат 122 милиони евра.

Иако не дојде до посакуваната сума од 190 милиони евра, сепак веднаш ќе се заштедат 122 милиони евра, а дополнителни 50 милиони евра во наредните две-три години на име на разни бонуси со што финансиската состојба во Барселона изгледа далеку подобро.

Во новата година новото раководство ќе се обиде целосно да ја надмине финансиската криза која ја предизвика пандемијата на коронавирусот но и лошото работење на сега веќе поранешниот претседател, Хосеп Марија Бартомеу.