Скандалозно. Она што можеше да се прочита по весниците и порталите кои пишуваа на тема „Јавна соба“ не било нешто што не можело да се очекува, но веројатно е прилично доцна изреагирано за сите надлежни институции да се зафатат со работа околу решавање на проблемот, вели во „Утрински брифинг“ на „Слободна Тв“, проф. Ана Фрицханд, психолог.

-Не можеме да посочиме еден најодговорен. Ако тргнеме така сигурно ќе згрешиме, затоа што јасно ни е на сите, се покрена голема дискусија на оваа тема, некако консензуален е ставот од многу експерти дека станува збор за многу длабок и системски проблем- вели проф. Ана Фрицханд, психолог.

Ако посочиме дека проблемот е само во семејството, смета Фрицханд, ќе ги исклучиме другите битни елементи. Ако посочиме дека е во образованието, исто така.

-Што правиме со поединецот или со групата, врсниците, медиумите. Јас секогаш апелирам на системски приод. Не е толку важно да се посочи еден виновник, туку да се посочат сите релевантни аспекти, што секој може да направи во однос на својот домен на ингеренции- рече Фрицханд.