„Франс Фудбал“ го знае добитникот на „Златната топка“!?
По 16. пат во кариерата на листата главни фаворити за добивање на престижната индивидуална награда се најде и Кристијано Роналдо.
Според италијанските медиуми, токму Роналдо е прв кандидат за признанието пред Лионел Меси и Виржил ван Дајк.
Претходните денови делегација на „Франс Фудбал“ престојуваше во Торино каде што имаше состанок со Роналдо, а присуствуваше и спортскиот директор на Јуве, Фабио Паратичи.
Роналдо годинава стигна до бројката од 700 голови во кариерата, со Јувентус го освои „Скудетото“, а „Лигата на нации“ со португалската репрезентација.
Во кариерата Португалецот досега петпати ја освоил „Златната топка“ во 2008, 2013, 2014, 2016 и 2017 година. Церемонијата на прогласувањето на најдобриот за оваа година ќе се одржи на 2 декември.