ФОТО+ВИДЕО: Масовен протест во Загреб против ковид сертификатите и епидемиолошките мерки
Денес во Загреб се одржа масовен протест против ковид сертификатите за вакцинален статус и епидемиолошките мерки за превенција од ковид.
Препорачано
На протестот, според хрватските медиуми, се собраа 15.000 луѓе кои побараа укинување на задолжителните ковид сертификати кои во Хрватска се на сила во здравствениот сектор и во јавните и државните институции.
За време на протестот сите говорници секој на свој начин се залагаа за некои теории на заговор поврзани со вакцинацијата.
-Ќе изградиме нова заедница втемелена на љубов. Главите горе и ќе победиме, рече познатата хрватска антиваксерка и лекарка Лидија Гајски.
Се обрати и свештеникот фра Лазар Перица кој се повика на Бог и божјите закони.
-Нѐ викаат антиваксери. Прво, вакцина не постои оти не се знае што е дефиниција за вакцина. Имате слободна волја, ама ова е прашање на достоинство… Живејте и умрете како луѓе, рече свештеникот.
Hrvatska, ljubavi moja‼️
Stožer – odlazi.
Premijeru, hrvatski narod ti poručuje: poništi COVID potvrde. Vrati nam oduzetu slobodu?Dragi ljudi, hvala vam svima. Ponosan sam na svoj narod.
Sada ćemo im referendumom pokazati da nitko neće gospodariti nad našim narodom. pic.twitter.com/hkbaY2tG1T— Marin Miletić (@MileticMarin_) November 20, 2021
За време на протестот не толку мирољубивите антиваксери како што велат за себе нападнаа и новинари, јави РТЛ чијшто вработен беше мета на удари.
