ФОТО: Волонтер ја прими првата тест-доза на вакцината против Ковид-19 развиена од турски Универзитет
Волонтер во Турција ја прими првата тест доза на „ERUCOV-VAC”, потенцијалната вакцина против коронавирусот развиена на турскиот Универзитет во Ерџијес (ЕРУ), јави агенцијата Анадолија.
Станува збор за потенцијална вакцина развиена во Центарот за истражување и развој на вакцини на Универзитетот во Ерџијес (ERAGEM), а која ја произведува компанијата „Кочак фарма”.
Erciyes Üniversitesi’nde Covıd-19’a karşı geliştirilen yerli aşımız ERUCOV-VAC ‘ın ilk dozu gönüllü Nazif Durna’ya uygulandı aziz milletimize hayırlı olsun
( Erciyes Üniversitesi / Koçak Farma ) pic.twitter.com/efk4XfAl6P
— YERLİ ÜRETİM (@UretimYerli) November 5, 2020
Турското Министерство за здравство од почетокот го поддржува тој проект, кој се спроведува во рамките на домашните турски ресурси.
Со апликација на првата доза, започна првата фаза на тестирање на ефикасноста на потенцијалната турска вакцина.
Волонтерот Назиф Дурна рече дека е среќен што може доброволно да придонесе за ширење надеж меѓу луѓето.
Ректорот на ЕРУ, Мустафа Чалиш, изјави дека претклиничките тестирања се завршени и дека на почетокот на јануари идната година би требало да биде завршена првата фаза од клиничкото тестирање. јави Анадолија.
Тој појасни дека во интервал од три недели волонтерот ќе прими уште една доза од потенцијалната вакцина, и дека наредната фаза на тестирање ќе се раководи согласно набљудувањата и резултатите од новозапочнатото тестирање.
Извор:МИА