ФОТО | Србин со „бмв“ се забил во бензиска пумпа кај Гевгелија
Србин со „бмв“ вчера се забил во бензиска пумпа на автопатот „Пријателство“ во близина на Гевгелија. За среќа нема повредени иако возилото е целосно „уништено“.
Како што информира МВР, несреќата се случила вчера наутро околу 11 часот на делницата од клучка Прдејци до клучка Гевгелија.
„Српскиот државјанин А.Д.(45) управувајќи патничко возило „бмв“ со српски национални ознаки изгубил контрола над возилото и удрил во метални јарболи од бензинската пумпа. Во незгодата повредени лица нема, а увид на местото извршила екипа на Полициската станица Гевгелија“, се вели во соопштението на МВР.
Според очевидци, автомобилот се движел со над 200 километри на час. Неофицијално имало уште тројца патници во возилото.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот