ФОТО | Рита Ора во латекс на сцената на Евровизија 2023
Пејачката Рита Ора настапи за време на паузата на првата полуфинална вечер на Евровизија 2023. Настапот на пејачката се случи 14 години по нејзината аудиција за претставник на Евроврзија 2009, со песната „Get Here“. Иако ѝ беше дадена можноста да ја претставува Велика Британија, таа се повлече, сметајќи дека не е добар чекор за нејзината кариера. Меѓутоа, на вчерашното прво полуфинале на Евровизија, Рита се потруди да го задржи вниманието на публиката со нејзиниот енергичен настап.
На сцената таа ги изведе нејзините најголеми хитови,како „Ritual“, „I Will Never Let You“ и „Anywhere“. Во еден момент беше придружена од млада танчерка, бегалец од Украина, која таа ја претстави како Софиа Кладко.
Публиката беше изненадена од шоуто што го приреди, но најголем впечаток остави и нејзината облека. Пејачката се појави во црн корсет од латекс, со длабоко деколте и ракавици со отворени прсти.
Настапот го заврши додека седеше врз пирамида од танчери, пеејќи ја нејзината најнова песна „Praising You“, во соработка со ФетБој Слим.