Инстаграм-профилот на Марија Старделова е вистинско шаренило од вкусови, рецепти, естетика и можност да „патувате“ низ боите и да вкусите најразлични здрави оброци. Марија денеска ви приготви вкусни, здрави и невообичаени крекери – цвеклото тука го зазема главното место.

Состојки:

• 1 поголемо цвекло, ситно изрендано
• 1 лажиче сок од лимон
• ½ шолја семки од сончоглед
• 1 шоља брашно од хељда
• 2 лажици ленено семе
• ½ лажиче сол
• ½ лажиче лук во прав (+ останати зачини по вкус)
• 2 лажици маслиново масло
• 3 лажици вода

 

View this post on Instagram

 

A post shared by Марија Марија Марија (@marijamarijamarija)

Подготовка:

Загрејте ја рерната на 180 степени Целзиусови. Излупете го и ситно изрендајте го цвеклото и полијте го со сокот од лимон. Сомелете го сончогледот, да добиете брашно и во голем сад измешајте го заедно со брашното од хељда, ленот, солта и зачините. Додадете го цвеклото. Во посебен сад измешајте го маслиновото масло и водата и постепено додавајте во смесата додека да добиете мазно нелепливо тесто. Расукајте го тестото помеѓу две парчиња хартија за печење, исечете го во саканата форма и ставете го да се пече 15-тина минути. Проверувајте ги, бидејќи тие на краевите ќе се испечат побргу, па ќе можете да ги извадите и останатите да ги распределите. (Времето на печење зависи од секоја рерна). Откако ќе се испечат, оставете ги да се изладат пред да ги пробате.