ФОТО | Ова е новата куќа на Џеј Ло и Бен Афлек: Чини вртоглави 60 милиони долари и има 24 бањи
Љубовната приказна на Џенифер Лопез и Бен Афлек е навистина неверојатна. Двојката, која минатата година ја обнови врската по две децении, долго време го бараше својот дом од соништата, а се чини дека сега конечно го пронајде.
Имено, Лопез и Афлек купиле луксузна вила во Беверли Хилс, за која платиле дури 60 милиони долари, пишува „Ти-ем-зи“.
12 спани соби и 24 бањи
Куќата има 4273 квадратни метри со пет хектари градина. Таа има 12 спални соби и 24 бањи, а вклучува спортска сала со терен за кошарка, теретана, боксерски ринг и бар.
Имотот има и гостински пентхаус од 456 метри квадратни, двособна куќа за обезбедување и гаража за 12 автомобили. Има и дополнителен паркинг простор кој може да собере 80 возила.
Тие веќе се вселуваат
Имотот првично бил продаден за 135 милиони долари пред пет години, но цената се намалила со текот на годините. Минатиот месец куќата повторно била ставена на продажба за 75 милиони долари, но славниот пар успеал да ја намали и таа цена.
Тие го склучиле договорот за новиот дом за само една недела и веќе почнале да се вселуваат. Барем така покажуваа новите фотографии од имотот, направени со дрон.