Лазар Ристовски вчера го прослави својот 71 роденден, а неговата 39 години помлада девојка Аница Лазиќ сподели заедничка фотографија со емотивна роденденска порака за актерот.

– Лазар (што значи „Бог помага“). Се верува дека маж со ова име бил испратен од Бога да помогне на Земјата. Јас знам дека е така. Ти си победник. Добротворец. Нашиот најголем уметник. Вечниот творец кој го сака животот и затоа животот те сака тебе. Заштитник. Оптимист. Патриот. Смел и храбар. Голем пријател. Човек со широка свест и добро срце. Пред да те запознаам бев среќна. Сега таа среќа е двојно зголемена. Ти ми го разубави животот на сите полиња и секој ден со тебе е благослов. Те сакам токму таков каков што си. Среќен роденден! – напиша Аница, со емотикон срце на крајот.

На објавата се огласи и нејзината мајка Анкица Лазиќ, која има убави зборови за дечкото на ќерка ѝ. Таа остави коментар под фотографијата:

„Среќен роденден, витезу на храброста!“, напиша Анкица заедно со низа емотикони, па нејзината ќерка набрзо ѝ возврати:
“Ти благодарам, мамо!” Те сакам!”