7 C
Скопје

ФОТО | Ја шокирала јавноста, а папата фрлил анатема на неа: Вака изгледала првата Мис на светот!

На 19-ти април 1951 година во Лондон е одржан првиот избор за Мис на светот, а победата ѝ припаднала на тогашната мис Шведска, 22-годишната убавица Кики Хакансон.

Мис на светот е најстариот меѓународен избор на убавина. Тој е основан од страна на ТВ водителот Ерик Морли во 1951 година во Обединетото Кралство, а од неговата смрт во 2000 година, неговата сопруга Џулија Морли, ја извршува должноста копретседател на натпреварот.

Станува збор за најпрестижната титула за убавина за која сонува секоја девојка која се занимава со моделинг. Сепак, во далечната 1951 година, натпреварот бил замислен како еднократен настан – Фестивал на бикини, поврзан со Фестивалот Британија кој се одржувал во исто време. Целта на натпреварот била промоција на костими за капење, со кои, очекувано, се привлекло вниманието на јавноста.

Прочитајте и...  Зеленилото го намалува физиолошкиот и психолошки стрес

Се натпреварувале 27 девојки. Дури 21 девојка била од Британија (правилото секоја држава да испраќа само една претставничка е подоцна воведено), но на крајот сепак победила Кики Хакансон од Шведска.

Кики, која ја нарекувале „најубавата девојка во Шведска“ имала 22 години. Таа изгледала прекрасно, а освен што станала првата Мис на светот некогаш, била прва и во уште нешто – сè до денес таа е единствената мисица која ја примила титулата во бикини.

YOUTUBE
Принтскрин / Youtube

Поради овој потег (кој од неа го побарале организаторите на изборот) наместо слава, Кики доживеала прилично непријатни искуства – папата фрлил анатема на неа, а некои држави со ригорозни религиски норми ѝ го забраниле влезот.

Бикините му донеле толку негативен публицитет на натпреварот што веќе од следната година биле забранети. Наместо тоа, девојките шетале во позатворени костими за капење. Дури децении подоцна бикинито било повторно дозволено, но Кики останала единствената мисица некогаш која титулата ја примила носејќи ги нив.

Поврзани вести

ВИДЕО: Се појави досега необјавен настап на Тоше Проевски во еден прилепски ресторан

Слободен печат

Зеленилото го намалува физиолошкиот и психолошки стрес

Слободен Печат

ВИДЕО+ФОТО | Дали Лила се враќа на музичката сцена?

М.Р

Хрватски експерт за кафе ја открива тајната за најубавото турско кафе

Слободен Печат

ФОТО | Сузана Турунџиева за Атиџе од „Медена земја“: „Таа е океан… Не се обидувај да ја сместиш во чаша за вода“

М.Р

Работа од дома: Дали носењето пижами може да влијае на продуктивноста?

Слободен Печат

Остави Коментар