Претседателот на Србија, Александар Вучиќ, ќе ја пречека претседателката на Европската комисија, Урсула фон дер Лајен, која денеска и утре ќе престојува во Србија, објави прес-службата на претседателот на Србија.

Белградските медиуми објавија дека фон дер Лајен ќе учествува со Вучиќ во започнувањето на проектот за железничкиот коридор 10 утре и дека се планира да присуствува на потпишување на договорот за санација на делот од автопатот за мир Ниш-Приштина, кој се прави со финансиска поддршка од ЕУ.

Пред посетата на Белград, каде што треба да се сретне со српската премиерка Ана Брнабиќ, фон дер Лајен ќе разговара во Приштина со косовскиот премиер Албин Курти и  претседателката Вјоса Османи, а потоа во Подгорица со црногорскиот претседател Мило Ѓукановиќ и премиерот Здравко Кривокапиќ.

Претседателката на Европската комисија ја започна својата официјална посета на Западен Балкан вчера во Тирана.

Турата на регионот фон дер Лајен ја завршува утре со посета на БиХ.